انصار:( د تله ۲۳مه)، ټاکل شوې، چې د طالبانو د سوداګرۍ او صنایعو وزیر نور الدین عزیزي روانه اوونۍ په یوه اقتصادي غونډه کې د ګډون لپاره چین ته په سفر لاړ شي.
د هغه ویاند عبدالسلام جواد ویلي، چې یاده غونډه د یو کمر او یوه لار اقتصادي بحث ته ځانګړی دی.
دغه لاره، چې د سیمې ګڼ هېوادونه د چین په نوښت په اسانۍ سره نښلوي، په وروستیو کې طالب چارواکو ورسره د یو ځای کیدو لېوالتیا ښودلې ده.
چین څه موده مخکې د طالبانو د بهرنیو چارو وزیر امیرخان متقي په مشرۍ هم د دوی یو پلاوی په یوه سیمه ییز کنفرانس کې ګډون ته بللی و.
په وروستیو کې سیمه ییزو ناستو ته د طالب پلاویو بلل زیات شوي، چې دوی یې د خپلو دیپلوماتیکو هڅو لاسته راوړنه او نړیوالو سره د تعامل زیاتوالی بولي.
له دې سره، د طالبانو رژیم چې پر افغانستان یې د بیا واکمنیدو تر دوو کلونو زیات وخت وشو، د نړۍ د هېڅ کوم هېواد له لوري په رسمیت نه دی پېژندل شوی.
URL تعقيب: https://www.ansarpress.com/pashto/27751
سور صلیب: د افغانستان د اقتصادي سیستم د سقوط د مخنیوي هڅه کوو